Rıo-de-Janeıroda alyp jasandy sarqyrama jasaıdy
ASTANA. Naýryzdyń 30-y. QazAqparat - Rıo-de-Janeıro ókimet oryndary 2016 jylǵy Olımpıadaǵa oraı bıiktigi 345 fýt (105 metr) bolatyn sarqyrama salatyn bolady,
dep habarlaıdy, Lenta rý agenttigi.
Qoldan jasalǵan sarqyrama Olımpıada qalashyǵyn jaryqpen qamtamasyz etetin energetıkalyq komplekstiń bir bóligi bolmaq.
Kishigirim aralda Solar City (Shýaqty qala) atty munara boı kóteretin bolady. Bul jerge kún batareıalary ornalasady, olar qabyldaǵan energııany júz metr bıiktikte ornalasqan rezervýarlarǵa sý jınaý úshin qoldanady. Túngi ýaqytta jınalǵan sýdy aǵyzady, aqqan sýdyń energııasy Olımpıada qalashyǵyn túngi ýaqytta jaryqpen qamtamasyz etetin bolady.
Munara basynda sholý alańy jáne meıramhana men bazarlyq dúkenderi ornalasatyn bolady. Rıo-de-Janeıro kelesi Olımpıadalyq oıyndar astanasy bolyp 2009 jyldyń qazan aıynda tańdalǵan. Ol Olımpıadalyq oıyndardy qabyldaıtyn alǵashqy ońtústik amerıkandyq qala bolmaq.
QazAqparat
-0-S.A.
S.A.
