Rıo-de-Janeıroda 19 qabatty ǵımarat qırady: qaza tapqandar bar
ASTANA. 26 qańtar. QazAqparat -Rıo-de-Janeıro qalasynyń ortalyǵynda keńselik 19 qabatty ǵımarattyń tóbesi ortasyna tústi,
dep habarlaıdy RosBıznesKonsaltıng CNN-ge silteme jasap. Oqıǵa saldarynan kem degende 2 adam qaza tapty, taǵy 11 adamnyń taǵdyry belgisiz.
Oqıǵa sársenbi, 25 qańtar kúni jergilikti ýaqyt boıynsha saǵat 20:30 shamasynda boldy. Apat jumys kúniniń aıaǵynda bolǵanyna qaramastan, túrli keńseler ornalasqan ǵımaratta qyzmetkerler áli jumys istep jatqan.
Qazirgi ýaqytta oqıǵa ornynda úıindilerdi arshý jáne joǵalǵan adamdardy izdeý boıynsha jumystar júrgizilýde. Ǵımarattaǵy qutqarý jumystary projektorlar jaryǵymen jáne basqa da avtonomdyq kózdermen ótkizilip jatyr, sebebi aýdanda órtter men tuıyqtalýlardan saq bolý úshin elektr jaryǵy óshirildi.
Buǵan ne sebep bolǵany ázirshe belgisiz. Alaıda kýágerlerdiń aıtýynsha, ǵımarattyń qulaýynyń aldynda jarylys bolǵan.
