Rıo-de-Janeıro jańbyr sýynyń astynda qaldy
ASTANA. 27 sáýir. QazAqparat - Tolassyz aq jaýyn Rıo-de-Janeıronyń sý astynda qalýyna sebep boldy.
Sońǵy eki táýlik ishinde brazılııalyq megapolıste jaýyn-shashynnyń bir aılyq mólsheri túsken. Sonyń nátıjesinde tolyqtaı kvartaldar sý astynda qalyp otyr. Turǵyndar keıbir kóshelerden tipti júzip ótýge májbúr, dep habarlaıdy VESTI.ru.
"Qolaısyz kún raıy qanshama kólik júrgizýshilerin jol ústinde qaldyrdy. Sýdyń tutqynynan bári birdeı shyǵa almaǵan, keıbireýlerine kómekke qutqarýshylar jóneltildi. Qoǵamdyq kólikter jumysynda da kúrdeli aýytqýlar bar - avtobýstar júrmeıdi dese de bolady. Jergilikti bılik turǵyndardyń saq bolýyn ótinedi. Aımaqta kóshkin júrýi múmkin degen qaýip jarııalandy", - dep habarlaıdy "Rossııa-24″ telearnasy.
