Rıo-de-Janeıro turǵyndaryna mereke qarsańynda qosymsha demalys beriledi
RIO-DE-JANEIRO. QazAqparat - Rıo-de-Janeıro turǵyndary tamyzda ótetin Olımpıada oıyndarynyń arqasynda úsh kún qosymsha demalys alady. Bul týraly qala ákimi Edýardý Paes málimdedi, habarlady «TASS» agenttigi.
Atap aıtqanda, demalys kúnderi: 5 tamyz (ashylý kúni), 18 tamyz (trıatlon jarysy ótetin kún), 22 tamyz - qonaqtardyń kópshiligi úıdi-úıine taraıtyn Olımpıada jabylǵannan keıingi kúnder bolmaq.
Qala bıliginiń derekterine sáıkes, Olımpıadaǵa 204 elden 15 myń sportshy qatysady. Bul oqıǵany 30 myńǵa jýyq jýrnalıst taratatyn bolady.
«Áńgime ishinara demalys jaıynda: saýda mekemeleri jumys isteıdi, osyndaı shema 2014 jyly fýtbol boıynsha álem chempıonaty ýaqytynda da qoldanylǵan», - dedi ol.
Alda ótetin olımpıada jalpy bilim berý mekemeleriniń kestesine de ózgeris engizdin Brazılııada oqý jyly qyzatyn kezeń sanalsa da, mektep oqýshylary 1-28 tamyz kúnderi qosymsha kanıkýl alady.
«Rıo-do-Janeıro turǵyndary olımpıadalyq atmosferany sezinip, ózderine qajetti tájirıbe alǵanyn qalaımyz. Olar bul kúnderi qalada júrip-turý qıyndaıtynyna da túsinikpen qaraýy tıis», - dep túsindirdi ákim.
XXXI jazǵy Olımpıada brazılııalyq Rıo-de-Janeıroda 2016 jylǵy 5-21 tamyz aralyǵynda ótedi.
