Rıo-2016: Táýelsiz komıssııa Qazaqstanda dopıngke qarsy baqylaýdy jaqsartady
ASTANA. QazAqparat - Ulttyq Olımpıada komıteti Qazaqstannyń olımpıadalyq sport túrleri boıynsha sporttyq federatsııalarynyń basshylyǵymen keńes ótkizdi.
Kezdesýdiń qatysýshylary birqatar mańyzdy máselelerdi talqylady, solardyń árqaısysy tikeleı nemese janama túrde sportshylardyń Brazılııadaǵy HHHІ jazǵy Olımpıada oıyndaryna daıyndyǵyna qatysty boldy.
«Jınalǵandar jarystar kezinde olımpıadaǵa qatysýshylardyń belgilengen normalarǵa sáıkes jabdyqtalý qajettiligine nazar aýdardy. Sporttyq federatsııalardy akkredıtteý isteriniń jaǵdaıyn jeke qarastyryldy. Kún tártibine sondaı-aq dopıngpen kúres máselesi kirgizildi», - dep túsindirdi UOK-niń baspasóz qyzmetinen.
Eske sala keteıik, taıaýda Qazaqstanda dopıngke qarsy táýelsiz komıssııa quryldy. Komıssııanyń jumysy Qazaqstanda dopıngke qarsy baqylaý júıesiniń jetildirilýine septigin tıgizip, dopıngke qarsy qozǵalystyń barlyq qatysýshylarynyń «taza sport úshin» kúreste kúshin biriktiredi. Onyń quramyna túrli vedomstvolardyń, úkimettik emes jáne qoǵamdyq uıymdardyń ókilderi, sporttyq fýnktsıonerler kirdi.
«Biz iske asyryp otyrǵan birlesken jumystyń nyǵaıtylýyn jalǵastyrý óte mańyzdy. Dál sondyqtan UOK basshysy Tımýr Qulybaev QR UOK-niń jáne ulttyq federatsııalardyń biryńǵaı, shoǵyrlandyrylǵan jumysynyń mańyzdylyǵyn atap ótýde. Barlyǵymyzdyń maqsatymyz bir - bul sportshylarymyzdyń álemdik sporttyq jarystarda jeńiske jetýi», - dep atap ótti QR UOK-niń atqarýshy dırektory Serik Qasqabasov.
