Ringobet.kz býkmeker keńsesi lıtsenzııasynan aıyrylyp, aıyppul tóledi
ASTANA. KAZINFORM - Ringobet.kz býkmekerlik keńsesi lıtsenzııasynan aıyryldy jáne zań buzǵany úshin aıyppul salyndy. Bul jaıynda Týrızm jáne spor mınıstrliginen habarlandy.
Memlekettik kirister komıtetiniń ótinishi negizinde Týrızm jáne sport mınıstrligi 2024 jylǵy sáýirde jospardan tys tekserý júrgizip, oıyn bıznesi salasyndaǵy zańnamany saqtamaǵany úshin Ringobet.kz býkmekerlik keńsesin lıtsenzııasynan aıyrdy.
Oıyn bıznesi týraly zańǵa sáıkes, oıyn bıznesin uıymdastyrýshynyń básti qabyldaý serveri Qazaqstan aýmaǵynda bolýy kerek.
Kezekten tys tekserý barysynda joǵarydaǵy zań talaptaryn buǵan birneshe fakti anyqtaldy.
Sonymen qatar býkmekerlik keńseniń qyzmeti týraly lıtsenzııa alatyn kezde jalǵan aqparat berilgen.
Osyǵan baılanysty atalǵan býkmekerlik keńse Ákimshilik quqyq buzý týraly kodekstiń 464-babynyń 1 jáne 2-tarmaqtary boıynsha jalpy somasy 849 myń teńge kóleminde aıyppul negizinde ákimshilik jaýapkershilikke tartyldy jáne býkmekerlik keńse lıtsenzııasynan aıyryldy.
Mınıstrlik oıyn bıznesi jáne memleket múddelerin qorǵaý salasyndaǵy quqyq buzýshylardy anyqtaý boıynsha jumysty jalǵastyryp jatyr.
