Rınat Zaıytov jyrshy-termeshiler odaǵyna júıeli qarajat pen ǵımarat surady
«Qazaq halqy úshin aıtys óneriniń orny árqashan erekshe bolǵan. «Sóz qadirin – óz qadiriń» - dep túsingen dana halyqymyz aıtysty tek qana óner emes, bir rýly eldiń, bir aımaqtyń, qalaberdi birtutas memlekettiń múddesin qorǵaıtyn pikir -talas alańy dep tanyǵan. Elimiz táýelsizdik alǵaly aıtys óneri ary tura memleket qarjysynan uıymdastyrylatyn aıtystar bolmasa, memleketten mardymdy qoldaý kórdi dep aıta almaımyz. Ýaqyt synaǵyna qaramastan, aıtys óneri búgingi kúnimizge qazaq halqynyń mahabbaty men demeýiniń arqasynda joǵalyp ketpeı jetti. Jetip qana qoımaı, 2012 jyldyń 1 tamyzynda «Aıtys aqyndary men jyrshy-termeshilerdiń halyqaralyq odaǵy» respýblıkalyq qoǵamdyq birlestigi qurylǵan edi. Qazirgi tańda, odaq músheliginde 250-ge tarta aıtysker men jyrshy, termeshiler bar. Odaq qurylǵannan beri 110 halyqaralyq jáne respýblıkalyq, 100-den astam oblystyq ári aýdandyq aıtys ótkizildi. 5 ret Respýblıkalyq jyrshy-termeshiler baıqaýyn jeke kásipkerlerdiń kómegimen uıymdastyrǵan bolatyn», - dedi R. Zaıytov Májilistiń jalpy otyrysynda Úkimet basshysynyń orynbasary Altaı Kólginovtiń atyna joldaǵan saýalynda.
Onyń aıtýynsha, mundaı zor is-sharalardy júzege asyryp otyrǵan odaqtyń áli kúnge deıin bir turaqty ǵımaraty joq.
«Almaty qalasynan Qazaqstannyń aıtys aqyndary men jyrshy-termeshiler odaǵynyń atyna turaqty mekenjaıy bolyp bekitiletin ǵımaratpen qamtamasyz etýdi suraımyn. Ekinshiden, Mádenıet mınıstrligi jaǵynan júıeli qarjylandyrýdy qamtamasyz etýdi qarastyrýdy usynamyn», - dedi depýtat.
