Rınat Súıindikov «QR Qarýly Kúshteriniń úzdik serjanty» atandy
«Otar» 40-áskerı bazasynda birneshe kún boıy barlyq ásker túrleri men tekteriniń, óńirlik qolbasshylyqtardyń, arnaıy áskerlerdiń, áskerı oqý oryndarynyń ókilderi Qazaqstan armııasynyń úzdik serjanty ataǵy úshin kúresti.
Áskerı qyzmetshiler qoıan-qoltyq urystan, jaýyngerlik mashınalardy júrgizýden, atys daıarlyǵynan, radıatsııalyq, hımııalyq jáne bıologııalyq qorǵaýdan, áskerı topografııadan, ádebı-kórkemdik baıqaýda saıysqa tústi.
Dáýren Myrzabaev, Nıkolaı Krýjalskıı, Saǵyndyq Tóreqojaev, Erzat Erkinbaı sııaqty serjanttar barlyq on bes atalym boıynsha úzdik nátıjeler kórsetti. Olarǵa sáıkesinshe brıgada, batalon, rota, vzvod úzdik serjanty ataqtary berildi.
Kishi serjant Marat Ibraımov «Úzdik bólimshe komandıri» atandy.
Jyl saıyn ótkiziletin baıqaý áskerı qyzmetshilerdiń áskerı-kásiptik qasıetterin arttyrýǵa, jaýyngerlik rýhy men daǵdysyn shyńdaýǵa baǵyttalǵan.