Rınat Kertaev «Habar» agenttiginiń basqarma tóraıymynyń orynbasary bolyp taǵaıyndaldy
«Agenttik transformatsııadan ótip jatqan tusta bul qyzmetke taǵaıyndalý úlken jaýapkershilik ekeni sózsiz. Aldymyzda kúrdeli mindetter tur, biraq bizdiń naqty josparlarymyz bar jáne batyl qımyldarǵa kóshpekpiz», - dedi Rınat Kertaev.
Rınat Dýmanuly Kertaev 1983 jyly 23 sáýir kúni Jambyl oblysynda dúnıege kelgen. 2005 jyly ál-Farabı atyndaǵy Qazaq Ulttyq ýnıversıtetiniń «Qoǵammen baılanys» mamandyǵyn bitirgen.
«Habar» Agenttigindegi eńbek joly 2006 jyly qazaq tilindegi oıyn-saýyq baǵdarlamalar redaktsııasynyń prodıýseri retinde bastalady. 2010 jyldan 2011 jylǵa deıin jańalyqtar bóliminde sarapshy-redaktor boldy.
QR Investıtsııalar jáne damý mınıstrliginiń «Aqparat salasynyń úzdigi» tósbelgisi, memlekettik «Daryn» syılyǵy, «Baspa jáne aqparatty damytýdaǵy eńbegi úshin» TMD Parlamentaralyq Assambleıasynyń tósbelgisimen marapattalǵan, sondaı-aq QR Prezıdenti Grantynyń ıegeri. Buǵan deıin «Habar» arnasynyń dırektory qyzmetin atqardy.
