Rınat Kazachenko jasóspirimder arasyndaǵy álem chempıonatynda kúmis júldege ıe boldy
ASTANA. KAZINFORM — Germanııanyń Zýl qalasynda ótip jatqan oq atýdan jasóspirimder arasyndaǵy álem chempıonatynda Qazaqstan quramasy alǵashqy medalin jeńip aldy, dep habarlaıdy UOK baspasóz qyzmeti.
Álem birinshiliginiń kúmis júldegeri atanǵan Rınat Kazachenko Qazaqstan qorjynyna alǵashqy júldeni saldy.
Qazaqstandyq mergen 50 metr qashyqtyqtan shaǵyn kalıbrli vıntovkamen úsh qalypta atý baǵdarlamasynda ekinshi nátıje kórsetti. Fınalda ol 355,2 upaı jınady.
Altyn medaldi Rohıt Kanıan jeńip aldy — 355,9 upaı. Úzdik úshtikti Patrık Entner túıindedi — 344,0 upaı.
Aıta keteıik, bul Qazaqstan quramasynyń osy jasóspirimder arasyndaǵy álem chempıonatyndaǵy alǵashqy júldesi boldy.
Budan buryn Almaty oblysynda para oq atýdan el birinshiligi ótetinin jazǵanbyz.
