Rımniń kardınal-vıkarııasynan koronavırýs anyqtaldy
RIM. QazAqparat – Dúısenbi kúni Rım eparhııasyndaǵy Frantsısk papasy vıkarııasy, kardınal Andjelo de Donatıstiń koronavırýsqa testisi oń nátıje bergeni belgili boldy.
Densaýlyǵynyń nasharlaýyna baılanysty kardınal Rımdegi aýrýhanaǵa jatqyzyldy. Saqtyq sharalary retinde onyń jaqyn kómekshileri karantınde bolady, dep habarlaıdy QazAqparat Reuters agenttigine silteme jasap.
66 jastaǵy De Donatıs sońǵy ýaqytta Frantsısk Papasymen kezdespegen.
Koronavırýs Italııada 11 591 adamnyń ómirin qıǵan.
