Rımma Volosenko lıtsenzııalyq týrnırdegi alǵashqy jekpe-jeginde jeńiske jetti

ASTANA. KAZINFORM - Italııanyń Býsto-Arsıtsıo qalasynda bokstan álemdik lıtsenzııalyq týrnır ótip jatyr.

Atalǵan synda 60 kelide sharshy alańǵa shyqqan Rımma Volosenko alǵashqy jekpe-jegin sátti ótkizdi. Ol jaýapty synda Trınıdad Tobago eliniń ókili Tıanna Gýımen kezdesip, tóreshiler sheshimimen basym tústi.

Týrnırdiń birinshi kúni sharshy alańǵa shyqqan Sáken Bıbosynov ta jeńiske jetti. Ol Gonkong eliniń ókili Kannet Hın Chýn Tamnan merziminen buryn basym tústi. Endi Sáken kelesi kezeńde kenııalyq Karandja Davıd Macharıamen kezdespek.

Italııadaǵy lıtsenzııalyq týrnır naýryz aıynyń 11 deıin jalǵasady. Ázirge Qazaqstan boksshylarynyń arasynda Parıj Olımpıadasynyń joldamasy erler arasynda asa aýyr salmaqtaǵy Qamshybek Qońqabaev pen áıelderden 57 kelide Karına Ibragımovaǵa tıesili eki joldama bar.