Rımdegi eskalatorda 30 adam zardap shekken apattyń vıdeosy jarııalandy

ASTANA. QazAqparat - Rımde Repubblica metrosynda eskalator qırap, saldarynan birneshe adam zardap shekken. YouTube saıtynda  osy oqys oqıǵa jaıly vıdeo jarııalandy, dep habarlaıdy QazAqparat.

Apat kezinde eskalatorda "TsSKA" reseılik  fýtbol klýbynyń jankúıerleri bolǵan. Olar Italııaǵa rımdik «Roma» komandasymen matchty tamashalaýǵa kelgen.

Oqıǵa saldarynan kem degende  30 adam zardap shekti, bireýi aıaǵynan aıyrylýy múmkin. Eki reseılik jankúıerge ota jasaldy.

Italııadaǵy Reseı elshiliginiń aqparaty boıynsha, zardap shekken 30 RF azamatynyń jeteýi aýyr halde, beseýiniń jaǵdaıy ortasha aýyr. 18 adam eskalatordan ózderi túsken. Jaraqat alǵandardy eki aýrýhanaǵa alyp ketken.

Vıdeodan eskalatorǵa topyrlaǵan adamdardyń  bir-birin ıtere mingendikteri kórinip tur. Aıaq astynan eskalator qatty qozǵalyp, birqatary qulaı bastaıdy.