Rımde jer silkinisi saldarynan 150 ǵımarat zaqymdaldy
ASTANA. QazAqparat - Italııa Azamattyq qorǵanysy qyzmetiniń mamandary men órt sóndirýshiler jeksenbi kúni Italııanyń ortalyq bóliginde 6,5 ball qýatymen bolǵan kúshti jer silkinisinen keıin Rımdegi myńnan astam ǵımaratty tekserip shyǵyp, 150-inen túrli zaqymdanýlar anyqtady, dep habarlaıdy QazAqparat Reseı jańalyqtar agenttigine silteme jasap.
Seısenbi kúni Corriere della Sera gazetiniń habarlaýynsha, 1980 jyldan beri Appenıny taýlarynda bolǵan eń qýatty zilzaladan keıin belgili rım murajaılarynda - Borgeze men Palatstso Barberını galereıalarynda, sondaı-aq el astanasynyń eń kórikti on nysanynda, sonyń ishinde Sant-Ivo alla Sapıentsa (Chiesa di Sant'Ivo alla Sapienza) shirkeýinde azdaǵan jaryqshalar paıda bolǵan. Franchesko Borromınıdiń áıgili kúmbezi de zardap shekti.
Onymen qosa, 6,5 ball qýatymen bolǵan jer asty dúmpýlerinen keıin mamandar rım kópirleriniń birinen jaryqshalardy baıqady, al kópqabatty úılerdiń birinen barlyq turǵyndardy evakýatsııalaýǵa týra kelgen.
Onymen bir mezgilde, Kolızeı, Termy Karakally syndy mańyzdy tarıhı eskertkishter tabıǵı apattan zardap shekpegen, deıdi basylym.
Osy rette, qala meri Vırdjınııa Radjı: «Rımde aýyr zaqymdar tirkelgen joq», - dep atap ótti.
Eske salaıyq, Italııada qýatty jer silkinisi jeksenbi kúni tańerteń boldy, zardap shekken adamdar bar.
