Rımde týrıster mingen avtobýs kópirge soǵyldy
ASTANA. QazAqparat - Jeksenbide, 13 tamyzda jolaýshylar mingen avtobýs Rımniń ońtústigindegi temirjol kópirine soǵyldy. la Repubblica habarlaǵandaı, 18 adam zardap shekti, olardyń úsheýi aýyr jaraqat aldy.
Júrgizýshi jol belgisine nazar aýdarmaı, bıiktigi avtobýstan 50 santımetr tómen kópirden ótip ketpekshi bolǵany habarlanady.
Avtobýsta Frantsııadan, Ulybrıtanııadan kelgen týrıster bolǵan. Sondaı-aq onda balalar da kóp bolǵan. Júrgizýshi zardap shekken joq. Poıyzdar qozǵalysyna kedergi kelgen joq.
21 qańtarda Italııanyń soltústik shyǵysynda Veronda iri apat 16 adamnyń ómirin qıǵan. Vengrııalyq avtobýs baǵanǵa soǵylyp, birden órtke oranǵan. Kólikte 55 adam bolǵan, olardyń 39-y jaraqat aldy. Jolaýshylardyń ishinde Býdapeshtke bara jatqan 14-18 jas aralyǵyndaǵy jasóspirimder bolǵan.
