Rımde qıraǵan munara astynan shyǵarylǵan jumysshy aýrýhanada qaıtys boldy

ASTANA. KAZINFORM — Rımniń tarıhı ortalyǵynda ortaǵasyrlyq Torre dei Conti munarasynyń bóligi qulaǵannan keıin 12 saǵatqa jýyq ýaqyt boıy úıindi astynda qalǵan rýmyn jumysshysy aýrýhanada kóz jumǵanyn ANSA agenttiginiń densaýlyq saqtaý júıesindegi derekkózderi habarlady, dep jazdy VVS.

Aýrýhanaǵa jetkizilgen er adamnyń jaǵdaıy óte aýyr dep baǵalanǵan, dep jazady basylym. Aqparattarǵa súıensek, onyń júrek soǵysy jedel járdem kóliginde-aq toqtaǵan kórinedi. Jaraqat alǵan adamǵa reanımatsııalyq shuǵyl sharalar jasalyp, aýrýhanaǵa jetkizilgen.

Keıinirek belgili bolǵandaı, úıindi astynan birden shyǵarylǵan taǵy bir jumysshynyń da Rýmynııanyń azamaty bolyp shyqty. Onyń jaǵadaıy aýyr dep baǵalanǵanymen, ómirine qaýip tóndirmeıtin jaraqattarmen aýrýhanaǵa jatqyzylǵan.

Eske sala keteıik, Rımde qıraǵan kóne munara úıindisiniń astynda jarty táýlik boıy jatyp qalǵan jumysshy syrtqa shyǵarylyp, dereý aýrýhanaǵa jetkizilgenin jazǵanbyz.