Rımde Halyqaralyq voleıbol federatsııasynyń kongresi ótedi
ALMATY. Qyrkúıektiń 8-i. QazAqparat /Erlik Erjanuly/ - Qyrkúıektiń 9-10 kúnderi Italııanyń Rım qalasynda Halyqaralyq voleıbol federatsııasynyń 32-shi kongresi ótedi, dep habarlaıdy QazAqparat QR Voleıbol federatsııasyna silteme jasap.
Halyqaralyq voleıbol federatsııasy 200-den astam eldiń ulttyq federatsııalarynyń basyn qosatyn irgeli úlken uıym. Onyń eń joǵarǵy basqarýshy organ sanalatyn Álemdik kongress eki jylda bir ret ótedi. Onda bıyl Qazaqstan tarapynan ulttyq voleıbol federatsııasynan Bas hatshy Ermek Syrlybaev pen Halyqaralyq bólimniń meńgerýshisi Olga Romanova ókildik etkeli otyr. Kongrestiń kún tártibinde qaralatyn negizgi máseleler mynaý: birinshi jańa FIVB Damý qoryna jaýapty Daıyndyq komıtetin usyný. Oǵan federatsııalar qor qarap, qarjylandyratyn óz jobalaryn usyna alady. Ekinshi - 2012 jylǵy kelesi kongreske FIVB Prezıdentin saılaý protsedýralaryn ratıfıkatsııalaý. Úshinshi - 2010 jylǵy erler jáne áıelder komandalary arasyndaǵy Álem chempıonaty, 2010 jylǵy klýbtyq komandalar arasyndaǵy Álem chempıonaty, 2011 jylǵy Álem Kýbogy, 2011 jylǵy jasóspirimlder men jastar arasyndaǵy Álem chempıonattary, 2011 jylǵy jaǵajaı voleıbolynan SWATCH FIVB Álem chempıonaty men 2012 jylǵy Olımpıada oıyndary sharalaryn uıymdastyrý komıtetteriniń tanystyrylymdary.
