Rımde áıgili fılmderde paıdalanylǵan músinder kórmesi ashyldy
ASTANA. QazAqparat - Rımde erekshe kórme ashyldy. Oǵan álemge áıgili fılmderde paıdalanylǵan 300 músin qoıylǵan, dep habarlaıdy Habar 24 telearnasy.
Músinderdiń ishinde eń tanymaly - Rıdlı Skottyń «Gladıatoryndaǵy» bıiktigi bes metr Mars músini. Fılmde Kolızeıge gladıatorlardy jetkizgen qulsaýdageri Proksımo, osy puttyń aldynda duǵa tilep, sáttilik suraıdy. Sondaı-aq, kórmege kelýshiler Djozef Mankevıchtiń týyndysyndaǵy Kleopatranyń jatyn ornyn, Fellınıdiń «Tátti ómir» kınosyndaǵy Isa paıǵambardyń músinin tamashalaı alady. Italııanyń «Chınechıtta» kınostýdııasy 80 jyl ishinde 3 myńnan astam týyndy túsirgen. Onyń 47-si «Oskar» syılyǵyn alǵan.
«Ádette «Oskar» syılyǵy stsenograftarǵa beriledi. Eger qazylar alqasy sahna kórinisterin joǵary baǵalap jatsa, onda bizdiń de eńbegimiz baǵalanǵany dep bilemin. ıAǵnı bizdiń eńbegimizdiń elenýi, jobalardyń sapaly jáne sátti júzege asýynyń belgisi», - deıdi músinshi Adrıano De Andjelıs.
Munda músinderden bólek, tanymal fılmderge arnaıy jasalǵan erekshe dekoratsııalardy da tamashalaýǵa bolady. Onyń ishinde byltyr Tımýr Bekmambetovtiń «Ben Gýr» týyndysy úshin jasalǵan Rım tsırki de bar. Sol jerde rejısser kúıme jekken attar jarysyn túsirgen.
