Rım týrnırinde Rybakına bastaǵan qazaqstandyq tennısshilerdiń qarsylastary anyqtaldy

ASTANA. KAZINFORM – Italııa astanasy Rım qalasynda tennısten áıelder jáne erler arasynda ótetin týrnırdiń jerebesi tartyldy.

Rımde 7-19 mamyr aralyǵynda ótetin WTA 1000 jarysynda Qazaqstannyń birinshi, álemniń 4-raketkasy Elena Rybakına ótken jylǵy chempıondyq ataǵyn qorǵaıdy. 

Jarystyń 4-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 161-orynda turǵan rýmynııalyq Irına Begý nemese irikteý saıysy jeńimpazdarynyń birimen oınaıdy. 

Qazaqstannyń ekinshi, álemniń 41-raketkasy ıÝlııa Pýtıntseva alǵashqy aınalymda reıtıngide 87-satydaǵy ıtalııalyq Martına Trevızannan ótýge tyrysyp kóredi. 

Erler arasynda Rım masters týrnırin Qazaqstannyń birinshi, álemniń 17-raketkasy Aleksandr Býblık te ekinshi aınalymnan bastaıdy. Ol álemniń 51-raketkasy, ıspanııalyq Pedro Martınes-Portero nemese reıtıngide odan eki saty keıin turǵan portýgalııalyq Nýný Borjeshtiń qaı jeńgenimen kezdesedi. 

Taǵy bir qazaqstandyq, álemniń 60-raketkasy Aleksandr Shevchenko reıtıngide 36-satydaǵy majarstandyq Fabıan Marojanmen sheberlik baıqasady. 

Eske sala keteıik, budan buryn Aleksandr Býblıktiń álemdik reıtıngide rekord ornatqanyn jazǵan bolatynbyz. Sondaı-aq ıÝlııa Pýtıntseva álemdik reıtıngide TOR-40-qa jaqyndady. 

Qazaqstandyq jas tennısshiler Albanııadaǵy jarysta jeńimpaz atandy.

Mıhaıl Kýkýshkın Rım masters týrnıriniń irikteý saıysyn sátti bastady.