Rım týrnırinde Elena Rybakınanyń qashan oınaıtyny belgili boldy
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Rım (Italııa) WTA 1000 týrnırinde bastapqy kezdesýin 8 mamyr kúni ótkizedi.
Jarysty ekinshi aınalymnan bastaıtyn qazaqstandyq tennısshi álemniń 47-raketkasy, grekııalyq Marııa Sakkarımen oınaıdy.
Osyǵan deıin qarsylastar ózara alty ret kezdesip, sonyń beseýinde E.Rybakına jeńgen.
M.Sakkarı Rımde alǵashqy aınalymda reıtıngide 92-oryndaǵy aýstrııalyq Lıllı Taggerden aılasyn asyrdy – 5:7, 6:3, 6:0.
Grekııalyq sportshyny jeńgen jaǵdaıda Rybakına úshinshi aınalymda álemniń 33-raketkasy, qytaılyq Sınıýı Van nemese reıtıngide 42-oryndaǵy Aleksandra Ealanyń qaı jeńgenimen sheberlik baıqasady.
Taǵy bir qazaqstandyq, álemniń 77-raketkasy ıÝlııa Pýtıntseva alǵashqy aınalymnan asa almaı qaldy. Ol keshe reıtıngide 48-satydaǵy chehııalyq, 19 jastaǵy Tereza Valentovaǵa jol berdi – 3:6, 2:6.
Osynyń aldynda Madrıdte ıÝ.Pýtıntseva T.Valentovadan 4:6, 6:4, 6:3 esebimen basym túsken edi.
Eske sala keteıik, budan buryn Aleksandr Shevchenkonyń Rım masters týrnırinde azýly qarsylasyn utqanyn jazǵan edik.
