Rım týrnıri: Rybakına álemniń eks 1-raketkasyn oısyrata utyp, shırek fınalǵa shyqty
ASTANA. KAZINFORM — Qazaqstannyń birinshi, álemniń 2-raketkasy Elena Rybakına Rım (Italııa) WTA 1000 týrnıriniń shırek fınalyna joldama aldy.
Qazaqstandyq tennısshi tórtinshi aınalymda kezinde álemdik reıtıngide kósh bastaǵan, qazirgi kezde 130-oryndaǵy chehııalyq, 34 jastaǵy Karolına Plıshkovaǵa tap keldi.
Qarsylastar osyǵan deıin ózara tórt ret kezdesip, sonyń bárinde Rybakına basym túsken edi.
Bul joly birinshi partııada Elena tájirıbeli sportshyǵa esh amal qaldyrmady – 6:0.
Ekinshi sette Rybakına 3:0 esebimen alǵa ketkenimen, Plıshkova qatarynan eki geım aldy. Degenmen Elena taǵy qos birdeı breıkke qol jetkizdi – 6:2.
Nebári 59 mınýtqa sozylǵan básekede E.Rybakına 1 eıspen birge 9 breık-poınttyń altaýyn qur jibergen joq. K.Plıshkova 2 eıs, 1 breıkpen (3 breık-poınt) kózge tústi.
Elena Rybakına jartylaı fınalǵa shyǵý úshin álemniń 10-raketkasy, ýkraınalyq Elına Svıtolınamen talasady. Ol tórtinshi aınalymda reıtıngide 94-oryndaǵy chehııalyq, 20 jastaǵy Nıkola Bartýnkovany qapy qaldyrdy – 6:2, 6:3.
Eske sala keteıik, budan buryn Elena Rybakınanyń Rım týrnıriniń tórtinshi aınalymyna joldama alǵanyn jazǵan edik.
Elena Rybakına bıylǵy maýsymda biregeı kórsetkishke qol jetkizdi.
Tımofeı Skatov Ispanııadaǵy týrnırde jergilikti tennısshini jeńdi.
