Rım papasynyń týǵan kúniniń qurmetine júzdegen jup tango bıin bıledi
ASTANA. QazAqparat - Júzdegen jup Rım Papasy Frantsısktiń týǵan kúnin atap ótý úshin Rımdegi Áýlıe Petr alańynda tango bıin bıledi.
Bul týraly khabar.kz jazady.
Rım Papasy katolık shirkeýiniń basshysy retinde 2013 jyly saılandy. 78 jasqa tolǵan Horhe Marıo Bergolo shirkeý tarıhyndaǵy alǵashqy argentınalyq Rım Papasy bolyp tabylady.
Ol Rım Papasy bolyp saılanbas buryn Argentınanyń ulttyq bıin jaqsy kóretinin aıtqan. Ony quttyqtaý úshin, bı oqytýshysy áleýmettik jelilerde osy ıdeıa arqyly eriktilerdi jınap, osyndaı erekshe jolmen merekeni atap ótýdi usynǵan.
Sonymen qatar, Frantsıskti quttyqtaý úshin kelgen basqa tileýlester oǵan argentınalyq mate sýsyny men óz quttyqtaýlaryn jáne tort alyp kelipti.
