Rım Papasynyń latynsha júrgiziletin Twitter paraqshasyndaǵy oqyrman sany 1 mln-nan asty
BRıÝSSELЬ. QazAqparat – Rım Papasy Frantsısktiń Tvıtter áleýmettik jelisinde latyn tilinde júrgiziletin paraqshasynyń oqyrmandar sany 1 mln adamnan asty, dep habarlaıdy QazAqparat tilshisi ıtalııalyq baspasózge silteme jasap.
Toǵyz jyl ishinde pontıfık @Pontifex_it akkaýntynda 3,8 myńnan astam habarlama («tvıt») jazǵan. Alǵashqy segiz habarlamany 2012 jyldyń jeltoqsanynda XVI Benedıkt jazyp qaldyrǵan.
«Qurmetti dostar, Twitter jelisinde sizderge qosylǵanyma qýanyshtymyn»,- dep jarııalady tanymal áleýmettik platformada óziniń alǵashqy jazbasyn XVI Benedıkt.
Sol kezden 24 qazanǵa deıin bul paraqshaǵa jazylýshylar sany bir mıllıonnan asty.
Vatican news portalynyń habarlaýynsha, Vatıkanda ıtalıan tilimen qatar latyn tili resmı til sanalady.
