Rım Papasynyń Lamborghini sýperkary 4 ese qymbatqa satyldy
ASTANA. QazAqparat - Rım Papasy Frantsısktiń aq Lamborghini Huracan sýperkary senbi kúni Monakodaǵy Sotheby's aýktsıondar úıinde satyldy.
Bul jaıly ANSA agenttigi habarlaıdy.
Kapotyna Rım Papasynyń qoltańbasy túsirilgen mashına 715 myń eýroǵa, ıaǵnı óz qunynan shamamen 4 ese qymbatqa satyldy.
Agenttiktiń habarlaýynsha, aýktsıonnan túsken qarajattar qaıyrymdylyq maqsattarǵa, atap aıtqanda hrıstıandyqty ustanatyn bosqyndardyń Irakqa oralýyna kómektesýge jumsalady.
Altyn tústes jolaqtary bar aq avtomobıldi 2017 jylǵy qarashada Rım Papasynyń qabyldaýynda bolǵan Lamborghini basshylyǵy syıǵa tartqan. Sol kezde-aq Papa Frantsısk sýperkardy aýktsıonda satýǵa sheshim qabyldaǵan bolatyn.
Aıta keteıik, buǵan deıin Rım Papasyna syıǵa berilgen Harley-Davidson mototsıkli de aýktsıonda satylǵan.
