Rım Papasynyń erteńgi Dinder sezine qatysýy sharanyń tabysty ótýin qamtamasyz etedi - Prezıdent

NUR-SULTAN. QazAqparat – Rım Papasy Frantsısktiń erteńgi Álemdik din kóshbasshylarynyń sezine qatysýy sharanyń tabysty ótýin qamtamasyz etedi. QR Prezıdenti Qasym-Jomart Toqaev kezdesý barysynda osylaı málim etti, dep habarlaıdy QazAqparat tilshisi.

«Alǵash sez ótken 2003 jyldan beri forým adamdardyń túrli bólinisterge qaramastan bir ıdeıaǵa birige alatynynyń jarqyn mysaly bolyp keledi. Tek dıalog arqyly ǵana, adamı baýyrlastyq arqyly ǵana tózim men jer betinde jasaýdyń múmkin ekenine kámil senemin», - degen Memleket basshysy atalmysh dástúrli sharanyń jumysyn Rım Papasy ınstıtýtynyń árdaıym qoldap kele jatqanyn atap ótti.

«Osyǵan baılanysty qasıetti dinı ınstıtýttyń sez qyzmetine kúshti ári jan-jaqty qoldaý bildirip kele jatqanyna joǵary baǵa bergim keledi. Men, sizdiń erteńgi Sez otyrysyna tikeleı qatysýyńyz Qazaqstandaǵy jáne álemdegi katolıkterdiń júregin sheksiz baqytqa bólep, sharanyń tabysty ótýin qamtamasyz etetinine senimdimin», - dedi Prezıdent Rım Papasyna.