Rım Papasyna shabýyl jasady degen kúdikpen ustalǵan áıel, oǵan jaqyndaýdy ǵana nıet etken
ASTANA. Jeltoqsannyń 25-i. QazAqparat - Vatıkandaǵy Áýlıe Petr Soborynda rojdestvolyq messanyń aldynda Rım Papasy Benedıkt XVI-ǵa umtylǵan áıel, pontıfıkke janyna jaqyndaýdy ǵana nıet etken jáne onyń jaman oıy bolmaǵan,
dep málim etti Vatıkannyń baspasóz qyzmetiniń ókili.
Vatıkanda rojdestvolyq messanyń aldynda belgisiz bireý pontıfıkke shabýyl jasaǵan. «RIA «Novostı» agenttiginiń aıtýynsha, oqıǵa, Benedıkt XVI Rım-katolık shirkeýiniń bas hramyna kirip kele jatqan kezde oryn alǵan. Qyzyl tústi kıim kıgen belgisiz áıel, birnárselerdi aıqaılap, Rım Papasyna jaqyndaý úshin, qorshaýdan sekirip ótken. Osy dúrbeleńde 82 jastaǵy pontıfık aıaǵynan shalynyp qulaǵan. Oǵan dereý ornynan turýǵa kómektesken jáne pontıfık esh kedergisiz ári qaraı soborǵa kirgen.
Qazirgi ýaqytta álgi áıel «vatıkan jandarmerııasynda otyr», dep habarlaıdy baspasóz qyzmetiniń ókili.
Bul oqıǵaǵa qaramastan, rojdestvolyq messa josparlanǵandaı jergilikti ýaqyt boıynsha saǵat 22.00-de bastaldy.
Al oqıǵa kezinde pontıfıktiń qasynda bolǵan 87 jastaǵy frantsýz kýrıaldyq kardınaly Roje Echegaraı qatty soqqy alyp, qazir aýrýhanada medıtsınalyq tekserýden ótýde.
Búgin - Rojdestvo merekesi. Eýropanyń kóptegen elderinde bul mereke - naǵyz otbasylyq meıram bolyp sanalady.
