Rım Papasyn ulyqtaý rásimine birneshe memleket basshylary qatysqaly otyr
ASTANA. 18 naýryz. QazAqparat - Rım Papasyn ulyqtaý rásimine qatysýǵa Rımge álem elderiniń jetekshileri kele bastady.
Jańa saılanǵan papa - Frantsıskti ulyqtaý rásimi erteń Vatıkandaǵy Áýlıe Petr alańynda ótedi, dep habarlaıdy «Azattyq».
Saltanatqa qatysýǵa Rımge alǵash bolyp AQSh vıtse-prezıdenti Djo Baıden men Argentına prezıdenti Krıstına Fernandes de Krıshner bardy.
Ulyqtaý saltanatyna keledi degenderdiń qatarynda Germanııa kantsleri Angela Merkel, Ispanııa premer-mınıstri Marıano Rahoı, Eýropa komıssııasynyń basshysy Joze Manýel Barrozý jáne Zımbabve prezıdenti Robert Mýgabe bar. Negizi, Zımbabve basshysyna eldegi adam quqyqtarynyń buzylýy men saılaýdaǵy burmalaýshylyqtarǵa baılanysty Eýropa Odaǵy elderine kirýge tyıym salynǵan. Degenmen, dıplomatııalyq erejeler boıynsha onyń Vatıkanǵa barýyna quqy bar.
