Rım Papasy Nobel syılyǵyn alýy múmkin
ASTANA. QazAqparat - Nobeldik beıbitshilik syılyǵyna yqtımal úmitkerlerdiń tizimi jarııalandy, dep habarlady Ýtro.rý.
Olardyń arasynda Rım papasy Frantsısk, AQSh ulttyq barlaý agenttiginiń burynǵy qyzmetkeri Edvard Snoýden jáne pákistandyq quqyq qorǵaýshy Malala ıÝsýfzaı bar, dep habarlady Interfaks.
Oslodaǵy zertteý ınstıtýtynyń dırektory Krıstıan Berg Harpvıkenniń pikirinshe, pontıfık osy aıtylǵan úsheýdiń arasynda alda keledi, óıtkeni ol kedeılerdiń jaǵdaıyna basa nazar aýdarýda, sondaı-aq ekonomıkalyq resýrstardy qaıta bólý qajettigin jaqtaıdy.
Snoýden amerıkandyq arnaıy qyzmetterdi áshkereleýde ataǵy shyqty. Ol yqtımal úmitkerlerdiń arasynda ekinshi orynda tur. Degenmen sarapshynyń atap ótýinshe, onyń laýreat bolýǵa úmiti úlken emes, óıtkeni «kópshiligi osy ýaqytqa deıin ony satqyn jáne qylmysker» dep esepteıdi.
Negizgi úmitkerler úshtigin pákistandyq 17 jastaǵy ıÝsıfzaı tuıyqtaýda, ol óz elinde áıelder quqyǵyn qorǵaýda. 2012 jyly quqyq qorǵaý qyzmetine baılanysty oǵan qasqandyq ta jasaldy.
Bıylǵy jyly Nobeldik beıbitshilik syılyǵyna úmitkerler qatary rekordtyq kórsetkishke - 278 adam men uıymǵa jetti. Nobel komıteti laýreatty 10 qazanda jarııalaıdy. Syılyq 10 jeltoqsanda, Osloda onyń negizin qalaýshy shved ónertapqyshy Alfred Nobel qaıtys bolǵan kúni tapsyrylady.
