Rım Papasy M.Abbasty «Beıbitshilik perishtesi» dep atady
ASTANA. QazAqparat - Vatıkanda Rım Papasy Frantsısk Palestına kóshbasshysy Mahmýd Abbaspen kezdeskende ony «Beıbitshilik perishtesi» dep atady, dep jazady «VVS» agenttigi.
Bul sózdi Pontıfık Mahmýd Abbasqa perishte beınelengen medaldy tabystap jatqanynda aıtqan. Palestına basshysy Vatıkanǵa búgin, jeksenbi kúni ótetin 19 ǵasyrdaǵy eki palestınalyq taqýa áıeldi shirkeýdiń qasıetti adamdary qataryna qosý saltanatty sharasyna qatysý úshin bardy. Ótken beısenbi kúni Vatıkan jaqyn arada Palestınany memleket retinde tanıtynyn jáne dıplomtııalyq baılanys ornatatynyn málimdegen bolatyn. Izraıl Syrtqy ister mınıstrligi Vatıkannyń mundaı sheshim qabyldaýy múmkin emestigin aıtyp, ol beıbit kelisimdi jyljytýǵa kómektespeıtinin málimdegen.
