Rım Papasy Qazaqstannyń ólim jazasynan bas tartqanyna joǵary baǵa berdi

NUR-SULTAN. QazAqparat – Rım Papasy Frantsısk QR Prezıdenti Qasym-Jomart Toqaevpen birge elordadaǵy «Qazaqstan» ortalyq kontsert zalynda ótken kezdesýinde dombyranyń qasıetine birneshe ret toqtalyp, qazaq halqynyń ataýyna qurmet bildirdi, dep habarlaıdy QazAqparat tilshisi.

«Dinderge sóz bostandyǵy qajet. Óıtkeni onyń Jaratýshy týraly aqıqatty izdeýdegi orny teńdessiz. Sondyqtan dinı erkindik azamattyq qoǵamnyń qalyptasýyna qajet úzdik orta bola alady. Oǵan degen qajettilik osynaý halyqtyń «qazaq» degen ataýynda da tur. «Qazaq» sózi erkindikti, qozǵalys táýelsizdigin meńzeıdi», - dedi Rım Papasy Frantsısk elordada ótken kezdesýde.

Sondaı-aq, ol Qazaqstannyń ólim jazasyn qoldanystan alyp tastaýyn joǵary baǵalaıtynyn atap ótti.

«Osyǵan baılanysty Qazaqstannyń ólim jazasyn qoldanystan alyp tastaýyn joǵary baǵalaǵym kelip otyr. Bul adam ómiriniń qundy ekenin rastaıdy, ár adamı tulǵaǵa úmit júkteıdi. Munymen birge oı erkindigin, ar-uıat erkindigin, sóz bostandyǵyn qamtamasyz etý mańyzdy. Sonda ár adam qoǵamda ózgelermen teń orynǵa ıe bola alady», - dedi Rım Papasy.