Rım Papasy: Qazaqstan - bir-birinen alshaq ornalasqandardyń basyn qosatyn mańyzdy meken
NUR-SULTAN. QazAqparat – Búgin elordadaǵy Álemdik jáne dástúrli dinder lıderleriniń VII sezinde Rım Papasy Frantsısk adamı qarym-qatynasty basshylyqqa ala otyryp, mańyzdy kezdesýler uıymdastyryp otyrǵanyn aıtty, dep habarlaıdy QazAqparat tilshisi.
«Biz ǵasyrlar boıy úlken kerýender ótken jerde turmyz. Bul jerlerde Jibek jolynyń arqasynda kóptegen hıkaıalar, ıdeıalar, nanymdar toǵysqan», – dedi Rım Papasy.
Osy oraıda ol Qazaqstanǵa arnap óz tilegin aıtty.
«Qazaqstan taǵy da bir-birinen alshaq ornalasqandardyń basyn qosatyn, tatýlastyratyn mekenge aınalsyn. Qazaq jeri adamı qarym-qatynasty basshylyqqa ala otyryp, mańyzdy kezdesýler úshin jańa joldar ashyla bersin. Bul turǵyda ózara syılastyq pen shynaıylyqqa ekpin qoıylǵan», - dedi Pontıfık.
