Rım papasy Frantsısk 25 jyldan beri teledıdar kórmegen
ASTANA. QazAqparat - Rım papasy Frantsısk 25 jyldan beri teledıdar kórmegenin aıtty.
Bul týraly Bı-bı-sı jazady.
Pontıfık argentınalyq BAQ-qa bergen suhbatynda 1990 jyldyń 15 shildesinen bastap Marııa-anaǵa ant berip, teledıdar qaraýdy toqtatqanyn aıtqan. Frantsısk sondaı-aq ınternet te paıdalanbaıtynyn, álemde bolyp jatqan jańalyqtarmen habardar bolý úshin on mınýttaı ıtalıandyq gazetterdi qarap shyǵatynyn habarlady.
Budan basqa, súıikti argentınalyq fýtbol komandasynyń jetistikteri jaıly aqparatty shveıtsarııalyq gvardııashylardan bilip otyratynyn jetkizdi.
