Rım papasy Dalaı-lamamen kezdesýden bas tartty
ASTANA. QazAqparat - Rım papasy Frantsısk Tıbettiń rýhanı lıderi Dalaı-lamamen kezdespeıtin boldy. Buǵan Qytaımen qarym-qatynastaǵy týǵan jaǵdaı sebep bolǵan, dep habarlady Bı-bı-sı.
Osyǵan deıin Rımde jumys saparymen júrgen Dalaı-lama pontıfıkpen kezdesýdi suraǵan.
Vatıkan ókiliniń sózine qaraǵanda, papanyń tıbettik býddısterge qarym-qatynasy jaqsy bolǵanymen, belgili sebepterge baılanysty bul ótinish oryndalmady.
Saraptamashylar atap ótkendeı, Vatıkan QHR-men aradaǵy qarym-qatynasty nyǵaıtý sharalaryna kedergi keltirgisi kelmeıdi.
Qytaı bıligi Dalaı-lamany separatıst dep aıyptap, onyń saıası lıderlermen kezdesýin quptamaıdy.
