Rım papasy búkil álemdi ólim jazasynan bas tartýǵa shaqyrdy
ASTANA. QazAqparat - Rım papasy Frantsısk ólim jazasyna halyqaralyq deńgeıde tyıym salýǵa shaqyrdy. Jeksenbilik Angelus syıynýynan soń aıtqan pontıfıktiń sózin TASS Vatıkan radıosyna siltememen keltiredi.
«Barlyq basshylarǵa ólim jazasyn alyp tastaý týraly halyqaralyq konsensýsqa qol jetkizý ótinishimen sóz arnaımyn. Solardyń ishinde katolık dinin ustanatyndarǵa aıtarym: úlgi kórsetip, osy batyl qadamdy jasap, bıylǵy meıirim jylynda birde-bir ólim jazasyn taǵaıyndamaýdy usynamyn», - dedi ol.
Pontıfık qazirgi qoǵamda qylmyskerdi sanaly túrde táýbege kelý múmkindiginen aıyrmaı-aq, qylmyspen tıimdi kúresýdiń joldary bar ekenin aıtady.
