Rım papasy aýrýhanadan shyqty

VATIKAN-TASS- QazAqparat – Rım papasy Frantsısk vırýstyq bronhıtpen úsh kún Djemellı aýrýhanasynda jatyp, búgin shyǵaryldy. Bul týraly senbi kúni Qasıetti taq baspasóz qyzmeti málimdedi, dep habarlaıdy QazAqparat TASS agenttigine silteme jasap.

«Rım papasy Agostıno Djemallı aýrýhanasynan shyǵaryldy. Medıtsına mekemesinen ketpes buryn Papa osy kúnderi janynda bolǵan basshylyq pen medıtsına qyzmetkerleriniń bárine sálem berdi», - delingen habarlamada. Aýrýhanadan shyqqannan keıin ol jýrnalıstermen jáne keıbir dinshildermen tildesti.
Frantsısk sársenbi kúngi ujymdyq aýdıentsııadan keıin ózin jaısyz sezingenin, biraq qazir jaqsarǵanyn aıtty. Pontıfıktiń aýrýhanadan shyqqanyn Rai News 24 telearnasy tikeleı efırde kórsetti.
86 jastaǵy Frantsısk sársenbi kúni aýrýhanaǵa jetkizildi, alǵashynda «josparly tekseris» dep habarlandy. Degenmen keıin pontıfıktiń tynys alýy qıyndaǵandyqtan júrek aýrýy bolýy múmkin degen kúmán týdy. Taldaý men tekseris aıtarlyqtaı syrqatty anyqtamady. Dárigerler antıbıotıktermen emdedi, dep naqtylady baspasóz qyzmeti.