Rım papasy Astanada ashyq aspan astynda dinı rásim ótkizedi

NUR-SULTAN. QazAqparat – Elordada Rım Papasynyń qatysýymen dinı rásim ótedi, dep habarlaıdy QazAqparat tilshisi.

«Qazaqstan katolıkteri úshin kópten kútken oqıǵa jaqyndap keledi. Rım Papasy Frantsısk Sezge kelý sapary aıasynda ashyq aspan astynda Messa rásimin ótkizedi.

Іs-shara 14 qyrkúıek kúni saǵat 16:45-te Máńgilik El dańǵyly, B1 meken-jaıynda (Nur Alem pavılony aldyndaǵy alań - EXPO halyqaralyq kórme ortalyǵynyń aýmaǵy, stellanyń janynda) ótedi. Kirý tegin», - dep jazdy Álemdik jáne dástúrli dinder kóshbasshylarynyń VII seziniń resmı ókili Nazym Janǵazınova Facebook paraqshasynda.

Aıtýynsha, sharaǵa kez kelgen din men konfessııa ókilderi qatysa alady.

«Tártip erejeleri, sondaı-aq Messabolatyn derge qalaı jetýge bolatyny týraly tolyq aqparatty Qazaqstannyń katolıkter shirkeýiniń resmı saıtynan qaraýǵa bolady», - dep jazady forýmnyń resmı ókili.

Sondaı-aq, katolıkterdiń sharaǵa qatysýy bólek retteletini aıtylǵan. Ol úshin din ustanýshylar 30 tamyzǵa deıin bılet alyp, tirkeýge ótýi kerek.

«Aıta ketý kerek, qonaqtardan keptelis týdyrmas úshin jeke kóliksiz kelýdi suraıdy. Yńǵaıly bolý úshin arnaıy avtobýstar uıymdastyrylady. Jınalý oryndaryn katolık shirkeýiniń veb-saıtynan da tabýǵa bolady», - dep jazady Nazym Janǵazınova.

Buǵan deıin Rım papasynyń Qazaqstanǵa memlekettik saparynyń jospary jarııalanǵan edi.

Foto: ehonews.kz