Rım Papasynyń neden qaıtys bolǵany belgili boldy
VATIKAN. KAZINFORM — Papa Frantsısktiń ınsýlt pen keıingi qaıtymsyz júrek jetkiliksizdiginen qaıtys bolǵanyn Vatıkanǵa silteme jasap Euronews habarlady.
Eske sala keteıik, buǵan deıin Rım papasy 2025 jylǵy 21 sáýirde, dúısenbi kúni Vatıkandaǵy Kasa-Santa-Marta rezıdentsııasynda dúnıeden ozǵany habarlandy.
Memleket basshysy Rım Papasy Frantsısktiń qaıtys bolýyna baılanysty kóńil aıtty.
Byltyr Rım Papasy Frantsısk óziniń jalpy aýdentsııasy kezinde Ortalyq Azııa elderiniń kóptegen aımaqtaryna áser etken jáne myńdaǵan adamdy evakýatsııalanýǵa májbúr etken Qazaqstandaǵy jappaı sý tasqynynan zardap shekkender úshin duǵa etýge shaqyrǵan bolatyn.
Al, ótken jyly qańtarda Memleket basshysy Rım Papasynyń shaqyrýymen Qasıetti Taqqa alǵashqy resmı saparyn jasady. Qazaqstan Prezıdenti sóziniń basynda álemdegi adamzattyń ıgiligi jolyndaǵy qajymas qaıraty men qajyrly kúsh-jigeri úshin Katolık shirkeýiniń Joǵarǵy Pontıfıkine rızashylyǵyn bildirgen bolatyn.