Rım Papasynyń aýrýhanadan shyǵatyn kúni belgili boldy

ASTANA. KAZINFORM - Rım Papasy Frantsısktiń emdeýshi dárigerleri ony jeksenbide Gemelli aýrýhanasynan shyǵaratynyn habarlady, onda ol bir aıdan astam ýaqyt emdeldi, dep habarlaıdy VVS.

88 jastaǵy pontıfık eki jaqty pnevmonııadan keıin qalpyna kelip jatyr. Dárigerler oǵan endi statsıonarlyq em qajet emes ekenin, biraq tolyq qalpyna kelý úshin kem degende eki aı tynyshtyq qajet ekenin aıtty.

Esterińizge sala keteıik, 14 aqpannan bastap Rım Papasy densaýlyǵynyń kúrt nasharlaýyna baılanysty aýrýhanada jatyr. Sodan beri ol ótken aptada Vatıkan jarııalaǵan bir fotosýretten basqa kópshiliktiń kózine túspedi.

Juma kúni Kardınal Vıktor Fernandes uzaq ottegi terapııasynan keıin onyń «sóıleýdi qaıta úırenýi» kerek ekenin baıqaǵan.

- Jaǵdaıy áldeqaıda jaqsy, biraq ottegi kóp mólsherde bolsa, bárin qurǵatady. Ol qaıtadan sóıleýdi úırenýi kerek, biraq onyń jalpy fızıkalyq jaǵdaıy burynǵydaı, - dep keltiredi Vatıkannyń doktrınalyq bóliminiń basshysy, kardınal Fernandestiń sózin Reuters agenttigi.

Sonymen qatar kardınal Fernandes pontıfık óziniń aldyndaǵy XVI Benedıkt-dan úlgi alyp, taqtan bas tartýy múmkin degen sózdi joqqa shyǵardy.

Buǵan deıin Vatıkan Rım Papasynyń jaǵdaıy jaqsarǵanyn habarlaǵan edi.