Rım Papasy: Soǵysta jeńimpazdar bolmaıdy
ASTANA. KAZINFORM – Búgin Rım Papasy Lev XIV beıbitshilik pen «halyqaralyq quqyqty syılaýǵa» shaqyrdy, dep habarlaıdy Kazinform menshikti tilshisi Vatıkanǵa silteme jasap.
Papa Lev XIV Papa Frantsısktiń sózin qaıtalap, soǵysta jeńimpazdardyń bolmaıtynyn aıtty.
Pontıfık zamanaýı qarý-jaraqtan bolatyn «aıýandyqtyń» soǵysýshy taraptardy «burynǵydan beter jabaıylyqqa» ıtermeleýi múmkin ekenin eskertti.
Papa Lev XIV álem kóshbasshylaryna soǵysta jeńimpazdar bolmaıtynyn, «joǵalatyn dúnıeniń bári beıbit kúnde emes, soǵysta joǵalatynyn» eske saldy.
-Ýkraına, Iran, Izraıl men Gaza sııaqty soǵys júrip jatqan jerlerden jetken daýystan shirkeýdiń júregi qars aırylady, - dedi Papa Lev sársenbi kúni.
Apta saıynǵy bas aýdentsııada Rım Papasy: «Biz eshqashan da soǵysqa tózimdi bolmaýymyz kerek», onyń ornyna «qýatty da kúrdeli qarýdyń tartymdylyǵyna tosqaýyl bolýymyz kerek»,- dedi.
Ol sonymen qatar Ekinshi dúnıejúzilik soǵys kezinde Shirkeýdi basqarǵan Papa Pııa XII-niń sózin eske alyp: «Beıbit kúnde eshteńe de joǵalmaıdy, bári soǵysta qurıdy»,-dedi.
Sol sebepti de ol jaýapty adamdarǵa adamı qundylyqtar men halyqaralyq quqyq úshin Papa Frantsısk pen Pııa XII-niń aıtqandaryn qaıtalap otyrǵanyn jetkizdi.
Osyǵan deıin Papa Lev XIV Gaza sektoryndaǵy gýmanıtarlyq ahýalǵa alańdaýshylyq bildirip, áskerı áreketterdi toqtatyp, aımaqqa shuǵyl túrde gýmanıtarlyq kómekti kirgizý qajettigin atap ótken bolatyn.
