Rım papasy: soǵys qaıtadan « sánge» aınalyp barady

VATIKAN. KAZINFORM — Álem qazir soǵys qaıtadan «sánge» aınalyp, adamnyń qadir-qasıetiniń máni joǵalyp bara jatqan kezeńdi bastan ótkerip otyr, dep málimdedi Vatıkan memleketiniń basshysy Papa Lev XIV. Bul týraly Anadoly agenttigi jazdy.

Dástúrli túrde sársenbi saıyn Vatıkandaǵy Pavel VI zalynda ótetin jalpy aýdıtorııada sóılegen sózinde Papa álemdegi jalǵasyp jatqan qaqtyǵystardy toqtatýǵa shaqyrdy.

— Adam qadir-qasıetiniń máni barǵan saıyn joıylyp, soǵys qaıtadan sánge aınalyp bara jatqan osy tarıhı sátte, beıbitshilik úshin duǵa eteıik, — dedi Lev XIV, kelisim men ádilet joldaryn izdeýdiń mańyzdylyǵyn atap ótip.

Vatıkannyń baspasóz qyzmetiniń habarlaýynsha, Papa Lev XIV Kúrdistan Demokratııalyq Partııasynyń (KDP) tóraǵasy Masýd Barzanımen jeke kezdesý ótkizgen.

Kezdesýdegi kelissózderdiń egjeı-tegjeıi jarııalanbady.

Aıta keteıik, buǵan deıin Rım Papasy Palestına memleketin qurýǵa shaqyrdy.