Rım Papasy Palestına memleketin qurýǵa shaqyrdy

ASTANA. KAZINFORM — Rım Papasy Lev XIV Palestına memleketin qurý men tanýdy uzaq jylǵa sozylǵan Palestına-Izraıl qaqtyǵysynyń «jalǵyz sheshimi» dep atady. Ol tıisti málimdemeni jeksenbi, 30 qarashada Túrkııadan Lıvanǵa ushýy kezinde jasady, dep habarlaıdy DW. 

— Izraıldiń bul sheshimdi áli de qabyldamaı otyrǵanyn bilip otyrmyz, biraq biz ony jalǵyz sheshim dep sanaımyz. Biz sondaı-aq Izraılmen dospyz jáne eki tarap arasynda deldal bolýǵa tyrysamyz, bul olarǵa barlyǵy úshin ádil sheshimge jaqyndaýǵa kómektesedi, — dep jaýap berdi Lev XIV túrik tilshisiniń suraǵyna.

Rım-katolık shirkeýi basshysysynyń Túrkııaǵa 27 qarashada bastalǵan sapary jáne odan keıingi 2 jeltoqsanǵa deıin Lıvanǵa ushýy — Lev XIV-tiń mamyr aıynda saılanǵannan beri alǵashqy sheteldik sapary.

Vatıkan Palestınany memleket retinde 2015 jyly resmı túrde tanydy. Bul qazirgi Rım Papasynyń aldyndaǵy Rım Papasy Frantsısk Qasıetti Taqqa kelgennen keıin eki jyl ótken soń boldy. Vatıkannyń baspasóz qyzmeti memlekettiń Palestınany 2013 jyly, avtonomııa BUU-da baqylaýshy mártebesin alǵan kezde is júzinde tanyǵanyn atap ótti.

Sol kezde Izraıl SІM Vatıkannyń sheshimi Taıaý Shyǵystaǵy beıbitshilik protsesine yqpal etpeıtinin málimdegen bolatyn.

Qarashanyń ortasynda Izraıl premer-mınıstri Bınıamın Netanıahý aýmaqtyń kez kelgen jerinde Palestına memleketin qurýǵa qarsylyǵy ózgermegenin málimdedi. 

Eske sala ketsek, qyrkúıek aıynda Tramp pen Netanıahý Gazadaǵy soǵysty toqtatý týraly kelisimge keldi. 

22 qyrkúıekte Frantsııa prezıdenti Makron BUU Bas Assambleıasynda Palestınany moıyndaǵany týraly málimdeme jasady. 

Portýgalııa basqa elderden keıin Palestınany moıyndady. 

Onyń aldynda Kanada, Aýstralııa jáne Ulybrıtanııa Palestına memleketin moıyndaıtynyn jarııalady. Kanada Palestınany resmı túrde moıyndaǵan G7 elderiniń birinshisi boldy.

Buǵan deıin Palestınaǵa qarjylyq qoldaý kórsetý úshin 12 memleket koalıtsııa qurǵanyn jazǵan bolatynbyz.