Rım Papasy Lev XIV Lıvanǵa bardy
ASTANA. KAZINFORM — Rım Papasy Lev XIV Lıvanǵa úsh kúndik saparmen bardy, dep habarlaıdy TASS.
Beırýtte jáne eldiń basqa qalalarynda Rım Papasynyń kelýi qurmetine oraı qońyraý soǵylyp, porttaǵy kemeler kerneılerin qaqty. Sapar «Bárekeldi beıbitshilik» uranymen ótip jatyr. Ushaqtan túsken Lev XIV eń aldymen Baabda saraıyna bet aldy.
Ol búgin Lıvandaǵy eń qurmetti hrıstıan asketteriniń biri Áýlıe Sharbeldiń jádigerleri saqtalǵan Anaıadaǵy shaǵyn ǵımaratqa barady. Al keshke Lev XIV Muhammed ál-Amın meshitinde musylman qaýymynyń jetekshilerimen kezdesip, dinaralyq dıalog, toleranttylyq jáne zorlyq-zombylyqqa jol bermeý týraly sóz sóıleıdi.
Sapar 2 jeltoqsanda Beırýt jaǵalaýynda kópshilikke arnalǵan messamen aıaqtalady. Rım Papasy onda 2020 jyldyń 4 tamyzynda qala portyndaǵy jarylys kezinde qaza tapqandar úshin duǵa etedi.
Katolık shirkeýi basshysynyń kelýine baılanysty Lıvan bıligi qalada úsh kúndik demalys jarııalap, kólik qozǵalysyna shekteý qoıdy. Ortalyq aýdandar, sonyń ishinde Rım Papasy ornalasqan «Fınıtsııa» qonaq úıiniń mańy áskerı qyzmetkerler men jandarmdardyń qatań baqylaýyna alyndy.
Qonaq úı ıeleri odaǵynyń tóraǵasy Per Ashkardyń aıtýynsha, bul sapar týrızm salasyn aıtarlyqtaı serpiltti. Elge biraz qajy keldi. Egıpet, Iordanııa jáne Irak memleketinen kelgender 2 jeltoqsanda ótetin lıtýrgııaǵa barýdy josparlap otyr.
Lıvan saparynyń aldynda Rım Papasy Lev XIV Túrkııaǵa baryp, onda prezıdent Rejep Taıyp Erdoǵan jáne Konstantınopol patrıarhy Varfolomeımen kezdesti. Sondaı-aq Nıkeıa Birinshi Keńesiniń 1700 jyldyǵyna oraı, Iznıkke qajylyq saparyn jasady. Katolık shirkeýi jetekshisiniń Lıvanǵa sońǵy sapary 2012 jyly, Benedıkt XVI elge barǵan kezde boldy.
Aıta keteıik, Rım Papasy Lev XIV Túrkııany qaqtyǵystarǵa toly álemde «turaqtylyq pen dıalog kózi» bolýǵa shaqyrdy.