Rım Papasy Frantsısktiń jerleý rásimine 200 myń adam qatysty

ASTANA. KAZINFORM — Rım Papasynyń jerleý rásimine memleket basshylary, din qyzmetkerleri men monahtar ǵana emes, sonymen qatar bosqyndar, úısizder jáne tipti túrmedegi adamdar da qatysty, dep habarlaıdy BBC.

BBC tilshisi Sara Reınsford atap ótkendeı, Papa Frantsısk Italııadaǵy túrmelerge jıi barǵan, sondyqtan keıbir tutqynnyń jerleý rásimine qatysýy úshin arnaıy sharalar qabyldanǵan.
Jerleý rásimine kóptegen jas katolık te bardy.

— Biz kilemsheler men uıyqtaý qaptaryn alyp, osynda 400 adam bolyp túnedik, — dedi alańǵa birinshi bolyp kirýge tyrysqan 22 jastaǵy Jan-Batıst Leklezıo AFP-ke bergen suhbatynda.

Rımge Papa Frantsısktiń jerleý rásimine kóptegen álemdik kóshbasshy bardy, olardyń qatarynda Ýkraına prezıdenti Vladımır Zelenskıı jubaıy Elenamen jáne AQSh prezıdenti Donald Tramp jubaıy Melanııamen boldy.

Zelenskııdiń ushaǵy jergilikti ýaqyt boıynsha tańǵy 07:00-de Rımge qondy.

Sondaı-aq Vatıkanǵa AQSh-tyń burynǵy prezıdenti Djo Baıden jubaıy Djıllmen bardy.

Aıta keteıik, Rım Papasy Frantsısk uzaqqa sozylǵan dertinen keıin 88 jasynda qaıtys boldy.