Rım Papasy Frantsısktiń jaǵdaıy aýyr

ASTANA.KAZINFORM — Vatıkan dúısenbi kúni Rım Papasy Frantsısktiń jaǵdaıy aýyr ekenin jáne erte búırek jetispeýshiligi anyqtalǵanyn habarlady. 88 jastaǵy pontıfık basqa da asqynýlarǵa ulasqan pnevmonııamen kúresip jatyr, dep jazady Euronews.

Vatıkan málimdemesinde Frantsısktiń senbi kúngi keshten beri tynys alý joldarynda alańdaıtyndaı qaýip bolmaǵanymen, áli de kóp mólsherde ottegin qabyldap jatqany aıtylǵan.

Dárigerler aqpan aıynyń ortasynda aýyryp qalǵan pontıfıktiń emdelý jolyn birneshe ret ózgertken. Tek ótken aptanyń sońynan beri ǵana oń ózgeris baıqalǵan. Alaıda qaýip áli joıylǵan joq. Eń bastysy, dárigerlerdiń aıtýynsha, sepsıs, pnevmonııadan keıingi asqyný retinde paıda bolýy múmkin aýyr qan ınfektsııasy. Onyń aldyn alý — búgingi kúnniń birinshi mindeti.

Argentınadan Rımdegi mektep oqýshylaryna deıin pontıfıktiń amandyǵyn tileıdi.

Buǵan deıin habarlanǵandaı, Rım Papasy Frantsıskke eki jaqty pnevmonııa dıagnozy qoıylǵan bolatyn. 

Álem katolıkteri Rım Papasy Frantsısk úshin duǵa etip jatyr.