Rım Papasy Frantsıskke eki jaqty pnevmonııa dıagnozy qoıyldy

ASTANA. KAZINFORM — Rım Papasynyń densaýlyq jaǵdaıy taǵy da nasharlady, dep habarlaıdy Euronews. 

Vatıkan seısenbi kúni keshke pontıfıkke astmatıkalyq bronhıt fonynda damyǵan eki ókpesiniń pnevmonııasy dıagnozy qoıylǵanyn habarlady.

— Zerthanalyq synaqtar, keýde qýysynyń rentgenografııasy jáne Qasıetti Ákeniń klınıkalyq jaǵdaıy kúrdeli kartınany kórsetip otyr, — delingen habarlamada.

Frantsısktiń antıbıotıkalyq terapııa júrgizilip jatqany naqtylandy. 

Olaı bolǵanymen, Vatıkannyń baspasóz hatshysy Matteo Brýnıdiń aıtýynsha, pontıfıktiń kóńil-kúıi jaqsy.

Eske sala ketsek, jaǵdaıy nasharlaǵan Rım Papasy emin aýrýhanada jalǵastyratynyn jazǵan bolatynbyz.

Habarlanǵandaı, 88 jastaǵy pontıfıkke tynys joldarynyń polımıkrobtyq ınfektsııasy dıagnozy qoıyldy, ol «aýyr klınıkalyq jaǵdaıdy» sheshý úshin onyń emdelýin ózgertýdi talap etti.