Rım Papasy alǵashqy sheteldik saparyn aıaqtady

ASTANA. KAZINFORM – 2 jeltoqsanda Rım Papasy Lev XIV-tiń alǵashqy elshilik sapary aıaqtaldy, dep habarlaıdy VaticanNews.

Jergilikti ýaqyt boıynsha 13 saǵat 48 mınýtta ITA Airways áýekompanııasynyń áýlıe áke mingen Airbus A320neo ushaǵy Beırýt halyqaralyq áýejaıynan shyǵyp, shamamen tórt saǵattan keıin Rımge jetti.

Ushý qoshtasý rásiminen keıin ótti. Onda Rım Papasy Lıvandaǵy saparynyń eń este qalarlyq sátterin eske alyp, beıbitshilikke úmit bildirdi jáne Taıaý Shyǵystaǵy qaqtyǵysty toqtatýǵa shaqyrdy.

Buǵan deıin Rım Papasy Lev XIV Palestına memleketin qurý men tanýdy uzaq jylǵa sozylǵan Palestına-Izraıl qaqtyǵysynyń «jalǵyz sheshimi» dep ataǵan edi. Ol bul málimdemeni jeksenbi, 30 qarashada Túrkııadan Lıvanǵa ushýy kezinde jasady.

Shetelge alǵashqy saparynda Túrkııaǵa da bardy.

Rım Papasy alǵashqy saparynda Túrkııa men Lıvanǵa beıbitshilik týraly úndeýin jetkizetinin jazǵan edik.