Rım metrosynda poıyzdar soqtyǵysyp, 20-dan astam adam zardap shekti
ASTANA. QazAqparat - Rım metrosynda eki poıyzdyń soqtyǵysýy saldarynan zardap shekkenderdiń sany 20 adamnan asty, dep habarlady La Stampa gazeti.
Basylym derekterine súıensek, apat saldarynan 21 adam zardap shekti. Olardyń kópshiliginiń jaraqattary jeńil. Eki adam aýrýhanaǵa jetkizildi.
Oqıǵa juma kúni saǵat 11:18-de La Stampa metro stansasynda oryn aldy. Apat ornyna birneshe órt sóndirýshiler men jedel járdem kóligi, polıtsııa keldi. Olar vagonnan shyǵa almaı qalǵan eki jaraly jolaýshyny alyp shyqty.
Apatqa bir baǵytta júrip kele jatqan poıyzdardyń biriniń kútpegen jerden toqtaýy sebep bolǵan. Saǵatyna 15 shaqyrym jyldamdyqpen kele jatqan ekinshi poıyzdyń mashınısi aldyńǵy poıyzdyń toqtaǵany jaıly aqparatty ýaqtyly almaǵan, dep jazdy RIA Novostı.
Oqıǵa aýmaǵynda poıyzdar qozǵalysy ýaqytsha toqtatyldy.
