Rım men Mılanda avtomobılder qozǵalysy shekteledi
ASTANA. QazAqparat - Rım men Mılannyń qala bılikteri aýanyń lastaný deńgeıiniń joǵary bolýyna baılanysty avtomobılder qozǵalysyn shekteıdi, dep habarlady Bı-bı-sı-diń orys qyzmeti.
Sarapshylardyń aıtýynsha, Mılan men Rımdegi jelsiz ashyq kúni qalyń munar basyp turýy aýa lastanýy deńgeıiniń tıisti normadan eleýli asyp ketýine baılanysty.
Dúısenbi jáne seısenbi kúnderi Rımniń barlyq kóshelerinde alty saǵat boıy avtomobıl qozǵalysy jabylady. Mılanda kelesi aptada úsh kún boıy avtomobılmen qozǵalýǵa tyıym salynady.
Eki qalada da bılik qoǵamdyq kólikte júrý bıletteri baǵasyn shuǵyl azaıtýǵa pármen berdi - sóıtip, adamdar avtobýstar men metroǵa kóshedi dep úmit etýde.
Budan buryn da ıtalıandyq qalalardyń ókimet oryndary taq jáne jup nómirli mashınalardy ár kúnderi júrgizip, avtomobıl qozǵalysyn shekteý arqyly aýa lastanýymen kúresýge tyrysyp baqty. Alaıda bul sharalar tıisti nátıje bermedi.
