Rım ejelgi Pompeı qalasyn qutqarýǵa eki mıllıon eýro bólmek
ASTANA.QazAqparat – Italııa úkimeti arnaıy qordan Pompeı ǵımarattaryn qalpyna keltirýge jáne olardyń odan ári buzylýyn boldyrmaýǵa qarjy bólmekshi, dep habarlady Orys jańalyqtar qyzmeti.
Jergilikti BAQ-tyń habarlaýynsha, buǵan qarjy bólý týraly sheshim eldiń mádenı mura jáne týrızm mınıstrligi sarapshylarynyń shuǵyl keńesinde qabyldandy. Qordy Kampanıa oblysynyń bıligi men Eýrokomıssııa Pompeıdi qutqarý úshin qurdy. 2013 jylǵy aqpan aıynda Eýroodaq Italııamen birlesip, qalanyń mádenı muralary eskertkishterin jańǵyrtý baǵdarlamasyn júzege asyrýǵa kiristi. Oǵan 105 mln. eýro bólindi, onyń jartysyna jýyǵyn Eýroodaq aýdardy. Tóreshildik kedergilerdiń saldarynan jańǵyrtý jumystaryna ázirge 588 myń eýro ǵana jumsalǵan.
