Rım daǵdarystyń saldarynan Olımpıadadan bas tartty
ASTANA. 14 aqpan. QazAqparat - Italııa Úkimeti 2020 jyly Rımde Olımpıada oıyndaryn ótkizý quqyǵy dodasyna qatysýdan bas tartýǵa sheshim qabyldady, dep habarlady RBK agenttigi.
Mundaı shesheimge búginde el basynan keshirip jatqan ekonomıkalyq daǵdarys saldary sebep boldy.
Italıandyq BAQ ókilderine premer-mınıstr Marıo Montıdiń habarlaýynsha, Italııa Olımpıadalyq oıyndar ótkizýmen baılanysty shyǵyndardy moınyna ala almaıdy.
Sóıtip, Olımpıadalyq oıyndar-2020 ótkizýge Tokıo, Madrıd, Ystambul, Doha jáne Baký talasatyn bolady. Japonııa men Katar astanalarynyń ótinim komıssııasy Halyqaralyq olımpıada komıtetine ózderiniń ótinimderin tapsyryp ta qoıdy. Qujattardy berýdiń sońǵy kúni - 2012 jylǵy 15 aqpan.
Esterińizge sala keteıik, Olıpıada-2020 dodasyna qatysýǵa Sankt-Peterbor da málimdeme jasaǵan bolatyn, biraq bul ıdeıadan bas tartýǵa sheshim qabyldady. Buǵan Reseıdiń «soltústik astanasynyń» úmiti az bolýy sebep boldy.
